Teacher

I encountered this poem entitled, "Titser," a long time ago written by Inang Laya and I want to share to you guys and to all fellow teachers- to-be and teachers.

Titser genius ka kaya?

Bukod sa lesson plan may tesis pang ginagawa.

Lagari sa tahanan, kayod sa eskwela;

Wonder Woman ka ngunit wala namang laya.

Titser ito ba'y himala?

Sa kay raming campus lagi kang nakikita;

nalilibot ang u-belt sa buong umaga;

Ito'y di hiwaga nagmo-moonlight ka lang pala.

Titser, iyan nga ba'y tama?

Kakaunti ang kita at may take-home work ka pa.

Sa hirap ng buhay, ika'y part-time na tindera

ng mga PX goods, panty, bra, longganisa.

Titser gumising na tayo.

Tayo'y ginawang tagabura ng boto.

Tagabenta ng ticket, tagahalo ng kalburo,

Nagsayaw pa sa airport ng wala namang sweldo.

Titser, kumilos na tayo

Ang edukasyon ay hindi gawang biro

Huwag nang mapaloko at magsawalang-kibo

Tayo'y kalahok sa pambansang pagbabaho.

Hindi na Kailangan ng Karagdagan pang Paliwanag

Hindi ko alam magalit sa isang tao. Hindi kasi ako palaaway. Ayaw ko ng away ehh. Kung magagalit man ako sa isang tao, huhupa at huhupa din ito agad at mawawala ang galit ko sa kanya. Ngunit meron iyong mga pagkakataong punung-puno na talaga ako sa iisang tao na kahit ano pang gawin niya ay hinding hindi ko na siya mapatatawad.

Madami na siyang nagawang kababalaghan magmula pa noon, ilang taon na ang nakalilipas. Kapag dadaan siya, iyong mararamdaman ang lakas ng hangin na tatangayin ka.

Hindi ako perpekto, ngunit alam ko ang lumugar. Hindi ako nagbago dahil sa galit ko sa kanya. Hindi ako napapatulad sa iba dahil sa galit ko sa kanya. May tamang pag-iisip naman ako upang mabatid ko ang tama mula sa mali. Ilang taon ko na siya kilala. At ilang taon ko na iniwasan ang kanyang kayabangan sa paniniwalang magagaya rin ako sa kanya. Kanino ba ako napapasunod para masabi ninyong nagagaya na ako sa ibang may galit na rin sa kanya? Hindi ko alam. Hindi ko mawari.

Kahit ano man ang gawin niyo. Kahit man sermonan ninyo ako ng sandamakmak, hinding hindi na magbabago ang paningin niya sa akin.

Ngayong nasa itaas siya, sana hindi na muli lalaki ang kanyang ulo dahil ito ay kasing-laki na ng buwan. Ayoko na.

Hindi na kailangan ng karagdagan pang paliwanag para maintindihan ang aking saloobin.

Sila Na. (Filipino Translation.)

Tanggapin natin. Madami akong pagkukulang. Madalas akong naiinggit sa mga bagay na wala sa akin. Upang ito'y malutas, papasok na lang ako sa aking pribadong eroplano at lumipad papalayo sa planetang ito.

Sila na!

Sila na ang pogi. Ako na ang hindi.
Sila na ang palakaibigan. Ako na ang hindi.
Sila na ang madaming pera. Ako na ang wala.
Sila na ang mahilig sa isports. Ako na ang hindi.
Sila na ang may mataas at mababang boses. Ako na ang hindi.
Sila na ang magaling magsulat. Ako na ang hindi.
Sila na ang matangkad. Ako na ang hindi.
Sila na ang payat. Ako na ang hindi.
Sila na ang may syota. Ako na ang wala.
Sila na ang nakabibili ng kahit anong gusto nila. Ako na ang hindi.
Sila na ang makagagawa ng kung anong gusto nila. Ako na ang hindi.
Sila na ang may malawak na imahinasyon. Ako na ang hindi.
Sila na ang makapupunta kung saan nila gusto. Ako na ang hindi.
Sila na ang may makinis na mukha. Ako na ang wala.

Sila na ang perpekto. Ako na ang hindi.

Ngunit sa likod ng mga pagkukulang na ito ay isang sipi mula sa isang tao. Minsang niyang nasabi na tinitignan natin ang ating pagkukulang dahil kinukumpara natin ang ating mga sarili sa ibang tao. Halata naman iyon. Subalit ako'y naniniwala na ako ay nasa tamang landas at isinilang akong ganito, madami paring pagkukulang na bago araw-araw.

Ngunit ako ay nagpapasalamat sa Panginoon sa mga bagay na meron ako na wala sa iba. Hindi ako makasarili. Yan ang paraan kung paano hinati ng Panginoon ang Kanyang mga biyaya.

___________

Yeah. This is the first Filipino post. It's actually just a translation from the past post. I believe that translating it in Filipino would make the statements more emphatic than in English. Well, so much for a start. :D